Саpology порталы Ла Лиганың 2024/2025 жылғы маусымында ең көп жалақы алатын футболшылар тізімін жасады, деп хабарлайды “Екінші Тайм”.
Рейтингте “Барселонаның” нидерландтық жартылай қорғаушысы Френки де Йонг көш бастап тұр, оның жалақысы – жылына 37,5 миллион еуро.
Екінші орында каталониялықтардың тағы бір ойыншысы тұр. Польшалық шабуылшы Роберт Левандовскидің жылдық жалақысы – 33,3 миллион еуро. Үздік үштікті «Реал Мадридтің» жаңа ойыншысы, франциялық шабуылшы Килиан Мбаппе түйіндеді. Ол жылына 31,3 миллион еуро жалақы алады.
Айта кетейік, үздік ондыққа мадридтік команданың тағы 5 ойыншысы енді: Давид Алаба (4-орын), Джуд Беллингем (6), Винисиус Джуниор (7), Федерико Вальверде (9) және Тибо Куртуа (10). Рейтингте бесінші орында «Атлетико Мадрид» қақпашысы Ян Облак тұр. Сегізінші орында – «Барселона» жартылай қорғаушысы Илкай Гюндоган.
