Қазақстандық боксшы Руслан Мадиев (15-2, 6 КО) кәсіпқой рингке оралатыны белгілі болды, деп хабарлайды “Екінші Тайм”.
Бұл жайында IRFIN PROMOTIONS компаниясы ақпарат таратты.
“Бәріне белгілі Руслан Мадиев рингке оралады!
Көбі оны Golden Boy Promotions ивенттері аясындағы жекпе-жектерімен біледі, қазақстандық боксшы екі титулды және бір рейтингілік жекпе-жек өткізген. Мадиев кәсіпқой рингтегі 17 жекпе-жектің 15-інде жеңіске жетті. Дебютінен бөлек кездесуінің бәрін АҚШ-та өткізді. Қарағандылық боксшының жекпе-жектерін ESPN, HBO және АҚШ-тың басқа да үлкен телеарналары көрсеткен”, – делінген хабарламада.
Айта кетейік, Мадиев кейінгі жекпе-жегін 2023 жылы наурызда өткізген еді. Ол кезде мексикалық Хуан Хименесті нокаутқа түсірген болатын.
5