Франция құрамасының гимнасты Дженна Ларуидің қанынан Париждегі Олимпиада ойындары алдында допинг табылды, деп хабарлайды “Екінші Тайм”.
Франция гимнастика федерациясы спортшының жарты жылға шеттетілгенін жазды. Дженна Франция олимпиадалық құрамасының қосалқы спортшысы болған. Ол 22 шілдеден бастап ресми түрде шеттетілген.
Ларуи 7 маусымда Лионда спорт гимнастикасынан Франция чемпионаты кезінде допинг-сынама тапсырған, одан сальбутамол табылды.
19 жастағы спортшының қорғаушылары Дженна әдейі допинг қабылдамағанын, демікпеден емделу үшін ішкенін алға тартады.
