Еуропалық футбол лигалары мен FIFPRO Europe (кәсіпқой футболшылардың мүддесін қорғайтын ұйым) матчтар көптігіне байланысты ФИФА-ның үстінен арыз жазбақ, деп хабарлайды “Екінші Тайм”.
“Еуропалық лигадардың тиісті атқарушы органдары мен FIFPRO Europe ФИФА үстінен Еурпалық комиссияға ресми арыз жазады. Ол халықаралық матчтар күнтізбесіне қатысты монополияға қарсы заңнамаға негізделген”, – деп жазылды FIFPRO ресми сайтында.
Бұл мәлімдемеде ФИФА бірнеше жылдан бері матчтар күнтізбесіне қатысты жағдайды реттеуге атсалыспағаны айтылған. Сондай-ақ, қазір футболшылар өткізетін ойындар саны денсаулыққа зиян екені де жазылған.
