Испания құрамасы Еуропа чемпионатының жартылай финалына жолдама алды, деп хабарлайды “Екінші Тайм”.
ЕУРО-2024 ширек финалында Испания турнир қожайыны Германиямен кездесті. Матч есебін испандар ашты. 51-минутта Ламин Ямальдің пасынан кейін Дани Ольмо гол соқты.
Матч соңына қарай Германия құрамасы қыспаққа алып, ақыры таразы басын теңестіре алды. 89-минутта Флориан Фирц қанжығасын майлап, ойынды овертаймға ауыстырды.
Ал кездесудің 120-минутында Испания жеңісті жұлып әкетті – Микель Мерино баспен соққы жасап, әуедегі допты қақпада тулатты.
Осылайша, турнир қожайындары үшін ЕУРО аяқталды. Одан бөлек бұл жартылай қорғаушы Тони Кроостың карьерасындағы соңғы матч болды.
Енді Испания жартылай финалда Португалия мен Франция матчының жеңімпазымен кездеседі.
One Response