Орта салмақта WBO және IBF тұжырымдары бойынша әлем чемпионы Жәнібек Әлімханұлының алдағы жекпе-жегін қазақстандық тікелей эфирде тамашалай алады, деп хабарлайды “Екінші Тайм”.
Әлімханұлы Жаңа Зеландия боксшысы, міндетті үміткер Андрей Михайловичпен (21-0, 13 КО) жұдырықтасады.
Кездесу 14 шілдеде Лас-Вегаста (Невада штаты, АҚШ) және Астана уақытымен 06:00-да басталады. Жекпе-жекті тікелей эфирде QazSport телеарнасы көрсетеді. Бұл кеште Жәнібек өз титулдарын қорғайды.
Айта кетейік, Әлімханұлы соңғы жекпе-жегін былтыр қазанда АҚШ-та өткізіп, германиялық Винченцо Гуальтьериді (21-1-1, 7 КО) алтыншы раундта нокаутпен жеңіп, IBF титулын иеленген еді.
