Қазақстандық боксшы Айбек Оралбай Париж Олимпиадасындағы алғашқы жекпе-жегінен кейін өз әсерін бөлісті, деп хабарлайды “Екінші Тайм”.
Ол Париж Олимпиадасындағы алғашқы жекпе-жегінде нигериялық Олетен Олаорены айқын басымдықпен (5:0) жеңген еді.
“Олимпиада ойындарына әлемнің үздік 16 боксшысы келеді. Әр қарсыласқа жеке әдіс-тәсіл қолданып, дайындаламыз. Бұл жерде осал қарсылас жоқ. Бірінші жекпе-жек ойдағыдай өтті. Рингті, қарсыласты, залды сезіндім. Жеңісті жалғастыруға бар күшімді саламын. Ел үмітін ақтауға тырысамын. Баршаларыңызға қолдауларыңызға рахмет!”, – деді боксшы QazSport телеарнасына берген сұхбатында.
