Еуро-2024 матчынан кейін неміс пен ағылшын жанкүйерлері жаппай төбелес шығарды, деп хабарлайды “Екінші Тайм”.
Daily Mail ақпараты бойынша, Англия құрамасының фанаттары неміс жанкүйерлерін мазақ қылған. Себебі кеше Германия құрамасы өз еліндегі Еуропа чемпионатынан ұшып кеткен болатын. Жиырмаға жуық ағылшын германиялық фанаттарды мазақ етіп, оларға тіл тигізген.
Салдарынан жанкүйерлер арасында төбелес басталып кетіпті. Бұл іске полиция қызметкерлері араласқаннан кейін ғана жағдай оңалған.
Еске салайық, Германия құрамасы Еуро-2024 ширек финалда Испаниядан 1:2 есебімен жеңілген болатын.
Ал Англия құрамасы бүгін ширек финал аясында Швейцариямен күш сынасады.
