Қазақстандық кәсіпқой боксшы Жанқош Тұраровтың келесі жекпе-жегі қашан өтетіні белгілі болды, деп хабарлайды “Екінші Тайм” тілшісі Sport Plus Qazaqstan сайтына сілтеме жасап.
Ол 28 қыркүйекте “Алматы аренада” IBO WORLD WBA WORLD GOLD белдіктерін қорғау үшін шаршы алаңға шықпақ. Әзірге оның қарсыласы кім болатыны белгісіз.
Естеріңізде болса, ол соңғы рет өткен жылдың желтоқсан айында жекпе-жекке шығып, өзінің чемпиондық титулын қорғады. Сол жолы Тұраров жапониялық Акихиро Кондодан басым түскен еді.
Жанқош Тұраров осыған дейін кәсіпқой бокста 28 жекпе-жек өткізіп барлығында жеңіске жетті.
