Қазақстан құрамасы мен “Ақтөбенің” қорғаушысы Әлібек Қасым шетелден нақты ұсыныстар күтіп жүр, деп хабарлайды “Екінші Тайм”.
Vesti.kz мәліметінше, қорғаушыға Еуропаның бірнеше командасы қызығушылық танытып отыр. Олардың қатарында “Ақтөбе” түлегі Максим Самородовқа қызыққан Австрия клубтары бар.
Ресейге келер болсақ, оған осы маусымда РПЛ-ға шығуды мақсат етіп отырған “Сочи” клубы қызығушылық танытып жатыр.
Бірақ қорғаушының “Ақтөбемен” келісімшарты әлі бір жылға жарамды, сондықтан клуб оны тегін босатуды жоспарлап отырған жоқ.
ҚПЛ-2024 маусымында Әлібек Қасым 22 ойын өткізіп, төрт гол соқты.
