“Манчестер Юнайтед” бас бапкерінің міндетін атқарушы Руд ван Нистелрой командада қалуы мүмкін. Клубтың жаңа бас бапкері Рубен Аморим онымен сөйлесетінін айтты, деп хабарлайды “Екінші Тайм”.
“Руд ван Нистелрой – “Манчестер Юнайтедтің” аңызы. Ол тамаша жұмыс атқарды. Ол қала ма? Алдағы уақытта онымен сөйлесейін, сосын бәрін айтамын. Әзірше күтейік”, – деді ол.
Еске салайық, МЮ Ван Нистелройдың жаттықтыруымен үш рет жеңіп, тек бір мәрте тең түскен. Ол нидерландтық Эрик тен Хагтың орнын басқан болатын.
