Англия құрамасы Еуропа чемпионатының финалына жолдама алды, деп хабарлайды “Екінші Тайм”.
Еуро-2024 жартылай финалындағы екінші матчта Англия мен Нидерланд кездесті. Ойынның алғашқы голын Нидерланд соқты. 7-минутта Хави Симонс қанжығасын майлады.
Ал 18-минутта Харри Кейн пенальтиден таразы басын теңестірді. Ойынның соңында ағылшын футболшылары жеңісті жұлып әкетті. 91-минутта Олли Уоткинс жеңіс голын салды.
Осылайша, Еуро-2024 финалында Испания мен Англия құрамалары күш сынасады. Ағылшындар қатарынан екінші Еуроның финалында өнер көрсетеді.
