“Ақтөбе” өз алаңында босниялық клубтан жеңіліп қалды

“Ақтөбе” футболдан УЕФА Конференция лигасының алғашқы іріктеу кезеңін жеңіліспен бастады, деп хабарлайды “Екінші Тайм”.

“Ақ-қызылдар” өз алаңында Босния және Герцеговинаның “Сараево” клубын қабылдады. Ақтөбеліктер стадион лық толған матчта көбірек шабуылдады, допты қарсылас қақпасының маңдайшасына да, бағанасына тигізді. Ойын бойы қарсылас иелігін нысанаға алғанымен, ақыры гол соға алған жоқ.

Ал “Сараево” 90-минутта сирек шабуылының бірін голға айналдырды. Френсис Кьереме босниялық клубқа жеңіс сыйлады – 1:0.

Енді қарымта матч 18 шілдеде Боснияда өтеді. Бұл ойында “Ақтөбеге” екі гол айырмашылығымен жеңіске жету керек.

Еске салайық, кеше “Ордабасы” Чемпиондар лигасының бірінші іріктеу кезеңінде молдовалық “Петрокубпен” 0:0 есебімен тең түскен еді.