Орта салмақта IBF және WBO тұжырымдары бойынша әлем чемпионы Жәнібек Әлімханұлы (15-0, 10 КО) жаңазеландиялық Андрей Михайловичке қарсы жекпе-жек алдында мәлімдеме жасады, деп хабарлайды “Екінші Тайм”.
“Нағыз чемпиондар нағыз чемпиондармен жұдырықтасуы керек. Мақсат – төрт белбеу!”, – деді Әлімханұлы.
Еске салайық, Әлімханұлы 14 шілдеде таңда Лас-Вегаста өз титулдарын қорғайды. Оның қарсыласы Жаңа Зеландия боксшысы Андрей Михайлович болады.
Жәнібек кейінгі жекпе-жегін 2023 жылы қазанда өткізіп, германиялық Винченцо Гуальтьериді нокаутпен жеңген еді.
