“Ақтөбе” қорғаушысы Уче Агбо 18 шілдеде Конференция лигасы аясындағы босниялық “Сараевоға” қарсы матчқа қатыспайды, деп хабарлайды “Екінші Тайм”.
Бұл жайында “Серый Cardinal” telegram-арнасы жазды.
“Ақтөбе Боснияға ұшып кетті. Бірақ Уче Агбосыз. Оған виза берілмеді.
Оның екі себебі болуы мүмкін: босниялықтар саяси айлаға барып, “Ақтөбенің” құрамын әлсіретті немесе визаға жауап беретін клуб қызметкерлері дұрыс жұмыс істемеді. Бірақ бірінші себеп дұрыс деп ойлаймыз”, – деп жазылған хабарламада.
Еске салайық, “Ақтөбе” Конференция лигасының бірінші іріктеу кезеңі аясында өз алаңында “Сараеводан” жеңіліп қалған еді. Енді ақтөбелік клубқа келесі кезеңге өту үшін Сараевода жеңіске жету керек.
«Не легионерлер ойнайды, не Қасым ойнайды». «Ақтөбе» бапкері жауап берді
One Response