“Ақтөбе” жартылай қорғаушы Бауыржан Байтана клубтан кететін болды, деп хабарлайды “Екінші Тайм” тілшісі “Серый CARDINAL” телеграм-арнасына сілтеме жасап.
“Қолда бар ақпаратқа сәйкес, Бауыржан Байтана жақын күндері «Ақтөбе» футбол клубынан кетеді. Ойыншы басқа клубқа ауысуы мүмкін”, – делінген хабарламада.
32 жастағы футболшы ақтөбелік команда сапына 2022 жылдың жазында ауысқан.
Осы маусымда жартылай қорғаушы Қазақстан чемпионатының жеті матчта бір гол соғып, бір нәтижелі пас берді.
