“Астананың” Конференция лигасының үшінші іріктеу кезеңіндегі қарсыласы белгілі болды, деп хабарлайды “Екінші Тайм”.
Елордалық клуб келесі кезеңде румыниялық “Корвинул” кездеседі. Бұл команда Еуропа лигасының іріктеу кезеңінде хорватиялық “Риекадан” жалпы есепте жеңіліп қалған болатын.
Румыниядағы алғашқы матч 0:0 есебімен аяқталған, Хорватиядағы қарымта ойын алаң иелерінің жеңісімен аяқталды – 1:0. Жалғыз голды 12-минутта Деян Петрович соқты.
Айта кетейік, “Астанаға” Конференция лигасының екінші іріктеу кезеңінде молдовалық “Милсамиді” жеңді. Сырт алаңда 1:1 есебімен тең түскен астаналықтар өз алаңында 1:0 есебімен жеңіске жетті . Жалғыз голды 49-минутта Марин Томасов соқты.
