Қазақстандық файтер Асу Алмабаев (20-2) UFC аса жеңіл салмақтағы рейтингінде жоғарылады, деп хабарлайды “Екінші Тайм”.
Алмабаев бұған дейін 15-орында тұрған еді. Кейін 6-орындағы Мұхаммед Мокаев UFC-ден кеткеннен кейін Алмабаев 14-сатыға жоғарылады.
Айта кетейік, Асу келесі жекпе-жегін 20 қазанда Лас-Вегаста (Невада, АҚШ) өткізеді. Алмабаев 31 жастағы бразилиялық Матеус Николаумен (19-4-1) күш сынасады, қазір ол топ-10 файтер қатарына кіреді.
