25 жастағы қазақстандық шабуылшы Оралхан Өміртаев беларусьтік “Слуцк” сапынан кетті, деп хабарлайды “Екінші Тайм”.
Бұл жайында клубтың баспасөз қызметі мәлім етті.
Өміртаев беларусьтік клуб сапында осы маусымда 13 матч өткізіп, 4 гол соқты және бір гол пасын шығарып берді. 7 шілдеде ғана ол Беларусь чемпионатының 15-турында “Нафтан” қақпасына дубль жасаған еді.
Өміртаев Қазақстанда “Шахтер”, “Тобыл”, “Ақжайық” және “Атырау” сапында өнер көрсетті.
