Парижде өтетін Олимпиада ойындарының бюджеті – 11 миллиард еуро, бұл бастапқыда жоспарланған сомадан екі есе көп, деп хабарлайды “Екінші Тайм”.
Ouest-France мәліметінше, Париж Олимпиаданы өткізуге ұсыныс жасаған кезде бюджет шамамен 6,2 миллиард еуро болады деп ойлаған, бірақ жалпы сома айтарлықтай өсті.
Басылымның ақпараты бойынша, бюджеттің ұлғаюының негізгі факторы мемлекеттік шығындар болды, ол бастапқыда жоспарланған 2,3 миллиард еуроның орнына 4,6 миллиард еуро болды.
Париждегі Олимпиада ойындары 26 шілде мен 11 тамыз аралығында өтеді.
