“Панатинаикос” стадионының маңында футбол фанаттары атыс шығарды. Үш адам жарақат алып, 70-тен аса жанкүйер қамалды, деп хабарлайды “Екінші Тайм”.
Ertnews.gr ақпараты бойынша, қақтығыс кезінде 38 жастағы фанаттың сол аяғына оқ тиген. Ауруханаға жеткізілген адамдардың өміріне қауіп төніп тұрған жоқ.
Полиция 72 адамды ұстаған. Қазір оқиға орнында тінту жұмыстары жалғасып жатыр.
Бұл оқиға “Панатинаикос” пен кипрлік АЕК арасындағы жолдастық матч алдында болған. Кездесуде грекиялық команда 3:1 есебімен жеңді.
