Алжирлік боксшы Иман Хелиф Париж Олимпиадасында алған сынына қатысты пікір білдірді, деп хабарлайды “Екінші Тайм”.
“Бұл мәселе әрбір әйелдің абыройы мен ар-намысына әсер етеді. Араб халқы мені көп жылдан бері таниды және менің IBA-да қалай бокстасқанымды көрді. Олар маған әділетсіздік жасады. Бірақ мен жақта Құдай бар”, – деп келтіреді Хелифтің сөзін Time басылымы.
Хелиф жыныстық тестостерон тестінен және жыныстық сәйкестік критерийлерінен өте алмағандықтан, былтыр әйелдер арасындағы әлем чемпионатынан шеттетілгеніне қарамастан, Олимпиада ойындарына қатысуға рұқсат етілген екі боксшының бірі саналады.
1 тамызда Олимпиаданың бокс турнирінде Карини Хелифпен жекпе-жекті бастағаннан кейін небәрі 46 секунд өткен соң кездесуді жалғастырудан бас тартқан еді. Ол “ешқашан мұндай қатты соққылар алмадым” деп мәлімдеп, рингте жылап жіберген еді. Артынша жанкүйерлер мен басылымдар алжирлік спортшыны ер адам деп айыптай бастаған еді. Олар 2023 жылы тек Халықаралық бокс қауымдастығы жасаған ДНҚ тестінің арнайы нәтижелеріне сүйенген. Бұл ұйым олимпиадалық мәртебесінен 2023 жылдың жазында айырылған, ал ХОК тестілеуді ашық емес деп таныған еді.
Трансгендер ме? Боксшы Иман Хелифтің дауына нүкте қойылды
Иман Хелиф трансгендер деп айыптаған қарсыласына жауап берді
