2024 жылы Парижде өтетін Олимпиада ойындарында жеңіл атлетикадан Қазақстан құрамасының жеті өкілі өнер көрсетеді, деп хабарлайды “Екінші Тайм” тілшісі Olympic.kz сайтына сілтеме жасап.
Жанна Мамажанова (марафон) мен Нора Джеруто (3000 метр кедергілермен жүгіру) біліктілік нормативін орындады.
Қалған спортшылар рейтинг арқылы Олимпиада ойындарына жолдама алды. Парижде Мамажанова мен Джерутодан бөлек Давид Ефремов (110 метрге кедергілермен жүгіру), Надежда Дубовицкая, Елизавета Матвеева (екеуі де биіктікке секіруде өнер көрсетеді), Ольга Сафронова (200 метр), Дэйзи Джепкемей (3000 метр кедергілермен жүгіру мен 10 000 метр) өнер көрсетеді.
