“Ақтөбенің” бас бапкері Дмитрий Парфенов “Сараевоға” қарсы матчтан кейінгі баспасөз мәслихатында Әлібек Қасым неге негізгі құрамда болмағанын түсіндірді, деп хабарлайды “Екінші Тайм”.
«Ақтөбе» – «Сараево» (0:1) матчынан кейін қазақстандық басылымдарда “Ақтөбе” легионерлері Парфеновке “не біз ойнаймыз, не Қасым ойнайды” деп талап қойғанын жазған еді.
“Легионерлердің талабы туралы ақпарат – жәй ғана сандырақ. Қасым “Спартакқа” қарсы ойнаған жоқ. Байқағандарыңыздай, бүгін төрт қорғаушымен ойнадық. Байқадыңыздар ма? Көрмеген шығарсыздар. Алаңға Кики – Барач жұбы шықты. Осыны жазған журналистің өзі келсін”, – деді Парфенов.
Кеше «ақ-қызылдар» өз алаңында Босния және Герцеговинаның «Сараево» клубынан 0:1 есебімен жеңілген еді. Бұл Конференция лигасы бірінші іріктеу кезеңіндегі матч болатын.
2 Responses
Your point of view caught my eye and was very interesting. Thanks. I have a question for you.