LiveResult порталы 2024 жылғы Париж Олимпиадасының финалындағы қазақстандық Нұрбек Оралбай мен украиналық Александр Хижняк жекпе-жегіне болжам жасады, деп хабарлайды “Екінші Тайм”.
“Нұрбек 24 жаста, спортшының бойы – 187 сантиметр. Ол қатарынан жеті жекпе-жекте жеңіске жеткен. Оралбай Олимпиадаға іріктеу турнирінде төрт жеңіс арқылы жолдама алған. Олимпиада ойындарында боксшы үш жекпе-жек өткізді, онда Питерсті, Аллахвердиевті және Пиналесті жеңді.
Александр 29 жаста. Спортшының бойы болашақ қарсыласынан бес сантиметрге төмен – 182 сантиметр. Боксшы қатарынан сегіз жекпе-жекте жеңіске жетіп келеді. Хижняк 2023 жылғы Еуропа ойындарының жеңімпазы. Ол Токио Олимпиадасына қатысқан. Париждегі Олимпиадада Александр үш жеңіске жетті: Акиловті, Перейраны және Лопесті жеңді.
Қарсыластар бұрын-соңды кездескен емес.
Болжам: Нұрбек Оралбай жекпе-жекте жеңіске жетеді”, – деп жазады дереккөз.
Финал Франция астанасында 8 тамызға қараған түні Астана уақытымен 01:51-де өтеді.
