Қазақстандық дзюдошы Нұрлыхан Шархан Париж Олимпиадасын жеңіспен бастады, деп хабарлайды “Екінші Тайм”.
100 келіге дейінгі салмақта сынға түсетін Шархан 1/16 финалда бельгиялық Тома Никифоровпен белдесті. Дзюдошылар үшін жекпе-жек ауыр өтіп, бельгиялық спортшы үш рет шидо алып, Шархан жеңіске жетті.
Енді ол 1/8 финалда өзбекстандық Музаффарбек Турабоевпен кездеседі.
Айта кетейік, бұған дейін Париж Олимпиадасында дзюдошыларымыз екі жүлде жеңіп алған еді – Елдос Сметов алтын, Ғұсман Қырғызбаев қола медаль еншілеген болатын.
One Response