Қазақстандық дзюдошы, 100 келіге дейінгі салмақта сынға түсетін Нұрлыхан Шархан Париж Олимпиадасының 1/8 финалында жеңіліп қалды, деп хабарлайды “Екінші Тайм”.
Шарханның екінші қарсыласы өзбекстандық Музаффарбек Турабоев болды. Бұл белдесуде қазақстандық дзюдошы қарсыласына есе жіберді. 2022 жылғы әлем чемпионы Турабоев иппон әдісімен жеңді.
Еске салайық, Нұрлыхан Шархан бұған дейін бельгиялық Тома Никифоровті жеңген еді.
Айта кетейік, бұған дейін Париж Олимпиадасында дзюдошыларымыз екі жүлде жеңіп алған еді – Елдос Сметов алтын, Ғұсман Қырғызбаев қола медаль еншілеген болатын.
