Ауғанстандық дзюдошы Мохаммад Самим Файзадтың Париж Олимпиадасындағы сынамасынан допинг табылды, деп хабарлайды “Екінші Тайм”.
Бұл жайында Халықаралық тестілеу агенттігі (ITA) жариялады.
Файзадтың 30 шілдеде тапсырған сынамасынан тыйым салынған препарат – станозолол метаболиттері анықталған.
Спорт жарыстардан уақытша шеттетілді, ол Спорт арбитраж сотына (CAS) аппеляция бере алады.
Ауғанстандық спортшы 81 келіге дейінгі салмақта 1/16 финалда австриялық Вахид Борчашвилиден жеңілген еді.
