Парижде өтіп жатқан Олимпиада ойындарында қазақстандық таеквондошылардың алғашқы қарсыластары анықталды, деп хабарлайды “Екінші Тайм”.
58 келі салмақта өнер көрсететін Самирхон Абабакиров алғашқы айналымда италиялық Вито Делль’аквиламен кездеседі. Самирхон – G1 турнирлерінің бірнеше дүркін жеңімпазы, Қазақстан кубогы мен VI жазғы Спартакиаданың жеңімпазы атанған.
80 келі салмақта Қазақстан намысын қорғайтын Батырхан Төлеуғали Мали өкілі Исмаэль Кулибалимен күш сынасады. Исмаэль Кулибали – әлем чемпионатының екі дүркін қола жүлдегері.
Еске салайық, Париждегі жазғы Олимпиада ойындары 11 тамызда аяқталады.
