Испания құрамасының жартылай қорғаушысы Педри алаңға қашан оралатыны белгілі болды, деп хабарлайды “Екінші Тайм”.
Mundo Deportivo ақпараты бойынша, Педри жарақатына байланысты 1-1,5 ай ойнай алмайды. “Барселона” хавбегі тізе байламын созып алған.
Еске салайық, Педри Еуропа чемпионатының ширек финалында Германияға қарсы матчтың басында жарақат алған болатын. Испандар сол ойында турнир қожайындарын 2:1 есебімен жеңген еді.
Енді жартылай финалда Испания мен Франция құрамалары күш сынасады.
