Еркін күрестен Қазақстан құрамасының мүшесі Мейрамбек Қартбай биыл жазда өтетін Париж Олимпиадасына жолдама алды, деп хабарлайды “Екінші Тайм”.
Olympic.kz сайтының ақпараты бойынша, Бұл туралы Біріккен күрес әлемінің (UWW) Қазақстан ҰОК-ке жолдаған ресми хатында белгілі болды.
Еске салайық, күрес түрлерінен Ресей құрамасы Париж Олимпиадасына барудан бас тартты. Ал ресейліктер сапындағы Заур Угуиев Олимпиада жолдамасын иеленерде біздің Мейрамбек Қартбайдан басым түскен болатын.
Ресей балуандары Олимпиададан бас тартқан соң, жолдамалар қайта үлестірілді. Осылайша, қазақстандық Мейрамбек Қартбай Олимпиада жолдамасына ие болды.
Айта кетелік, Мейрамбек Қартбай 2023 жылғы әлем чемпионатында бесінші орын алды. Ол жолдама үшін таласта Олимпиада чемпионы Заур Угуиевке жол беріп, қалған іріктеу турниріне қатысқан жоқ.
Мейрамбек Қартбай 57 келі салмақта белдеседі.
One Response
Your article helped me a lot, is there any more related content? Thanks!