Қазақстан құрамасының бас бапкері Станислав Черчесов Ұлттар лигасы аясында Аустрия мен Норвегияға қарсы өтетін матчтарға шақырылғандар тізімінде Рамазан Оразовтың неге жоқ екенін түсіндірді, деп хабарлайды “Екінші Тайм” тілшісі Nur.kz сайтына сілтеме жасап.
“Оразов біздің жиында болды, қазір ол өз клубында. Кейінгі уақытта ойнамай жүр, бір ойында тіпті қосалқы құрамда да болған жоқ. Соңғы матчта 4 немесе 5 минутқа шықты. Бүгінде жағдай осындай. Тапалов болған жоқ, енді пайда болды. Абонементтер ешкімде болмайды. Сондықтан біз футбол істеріне мұқият қараймыз, қандай да бір түйткіл іздеудің қажеті жоқ. Команданың соңғы матчында ойнамаған сол Самородов үнемі “Ахматта” ойнайды, сондықтан ол қазір ұлттық құрамада. Біз жас футболшыларға мүмкіндік береміз. Құрама резеңке емес. Біз жағдайға қарай шешім қабылдаймыз.
Біз бүгін кім дайын екеніне қараймыз. Мүмкіндігінше объективті түрде жақындауға тырысамыз және өзін көрсете алғандарды шақырамыз. Қазірдің өзінде жастар құрамасынан өзін танытқан төрт футболшы бар. Мұқият қарап отырмыз. Ойыншыларды ұнату немесе ұнатпау деген жоқ. Рамазан қалпына келіп, қайтадан негізгі құрамның ойыншысы болсын деп тілеймін. Ойын тәжірибесі керек”, – деді бас бапкер.
Айта кетейік, Қазақстан құрамасы қарашада УЕФА Ұлттар лигасы аясында екі матч өткізеді. 14 қарашада Станислав Черчесовтың командасы Аустриямен кездеседі. Ойын Алматының Орталық стадионында өтеді. Басталуы 20:00-де.
Ал Үш күннен кейін біздің команда Норвегияға қарсы сырт алаңда матч өткізеді. Осло қаласындағы “Уллеволь” стадионында болатын ойын Астана уақытымен 22:00-де басталады.
Еске салайық, Станислав Черчесов алдағы матчтарға шақырылған ойыншылардың нақты тізімін жариялаған еді.
