“Ақтөбе” футбол клубының шабуылшысы Максим Самородов ресейлік «Зенит» сапына ауысуы мүмкін, деп хабарлайды “Екінші Тайм”.
«Қолда бар ақпаратқа сәйкес, ақтөбелік ойыншыға Санкт-Петербург клубы қызығушылық танытып отыр. Оның есімі жуырда ҚФФ басшысы Әділет Барменқұлов пен «Зенит» президенті Александр Медведев арасында өткен кездесу барысында айтылды. Сонымен қатар, Ресей және Еуропа футбол орталарында үлкен байланысы бар Қазақстан ұлттық құрамасының бас бапкері Станислав Черчесов бұл трансферді қолдап отыр. Станислав Саламович бүгін «Ақтөбе» – «Сараево» матчына келеді», – деп жазды «Серый Cardinal» телеграм-арнасы.
