Екінші жартылай жеңіл салмақта өнер көрсететін қазақстандық кәсіпқой боксшы Сұлтан Зәуірбектің келесі жекпе-жегінің өтетін күні мен орны белгілі болды, деп хабарлайды “Екінші Тайм”.
Сұлтан Зәуірбек (18-0, 13 КО) келесі жекпе-жегін 7 желтоқсанда Ирландияның Уотерфорд қаласында өткізеді. Оның қарсыласы польшалық боксшы Дамиан Вжесинский (28-3-2, 7 КО) болады.
Дамиан Вжесинский кәсіби карьерасында 28 жекпе-жек өткізіп, 3 рет жеңіліп, екі жекпе-жекте тең түскен болатын.
Еске сала кетейік, қазақстандық боксшы кейінгі рет 21 маусымда Болтон (Ұлыбритания) қаласында жекпе-жек өткізген еді. Екінші жартылай жеңіл салмақтағы WBA Continental аймақтық чемпиондық белбеуі сарапқа салынған жекпе-жекте Сұлтан Зәуірбек аргентиналық Роман Рубенс Рейносоны жеңген болатын.
