Кәсіпқой боксшы Батыр Жүкембаев (23-1, 17 КО) алдағы жекпе-жегі туралы мәлімдеме жасады. Спортшы әлеуметтік желідегі парақшасында жаттығу барысынан видео жариялады, деп хабарлайды “Екінші Тайм” тілшісі ҚазАқпаратқа сілтеме жасап.
“Келесі жекпе-жегім туралы хабарландыруды күте алмаймын!” – деп жазды боксшы.
Айта кетейік, Батыр Жүкембаев кейінгі жекпе-жегін 22 мамырда Плант-Ситиде (Флорида, АҚШ) өткізіп, украиналық Иван Редкачты (24-7-1, 19 КО) мерзімінен бұрын жеңген болатын. Осылайша ол бірінші жартылай орта салмақта WBA Continental North Americas титулын қорғады.
